Por todo isto, a Alcaldía, de conformidade co disposto no artigo 21.1 h da Lei 7/85, do 2 de abril, de bases de réxime local, RESOLVE:

1. Aprobar a listaxe definitiva de admitidos/as e excluídos/as segundo se indica a continuación:

LISTAXE DEFINITIVA DE ADMITIDOS/AS

LISTAXE DE EXCLUÍDOS/AS

2. Segundo o disposto no artigo 60 da Lei 7/2007, do 12 de abril, do estatuto básico do empregado público, a composición do tribunal será a seguinte:

– Presidenta: dona María Cruz Andrade García (funcionaria de Administración local con habilitación de carácter estatal) ou persoa en quen delegue

– Secretario: don Manuel Martínez Varela (secretario-interventor do Concello da Baña) ou persoa en quen delegue

– Vogais:

dona María José Nartallo Penas (funcionaria de Administración local con habilitación de carácter estatal) ou persoa en quen delegue

dona Sonia Seoane González (traballadora social) ou persoa en quen delegue

dona María Dolores González Salgado (traballadora social) ou persoa en quen delegue

3. O órgano de selección deberá constituírse segundo a continuación se indica:

Salón de plenos do Concello da Baña o día 21/05/2012 ás  09.00 horas.

4. O órgano de selección deberá reunirse segundo a continuación se indica para realizar a valoración dos méritos:

Salón de plenos do Concello da Baña o día 21/05/2012 ás 10.00 horas.

5. Publicar esta resolución no taboleiro de anuncios do Concello e notificárllela aos membros do tribunal.

6. Deixar constancia de que os sucesivos anuncios relativos aos procesos selectivos se publicarán no taboleiro de anuncios do Concello e na súa páxina web.

ANTECEDENTES

O Concello da Baña está a realizar a contratación laboral temporal dun/ha traballador/a social a través de concurso.

CONSIDERACIÓNS

A base cuarta das Bases para contratar, en réxime laboral temporal (interinidade), un/ha traballador/a social no Concello da Baña (BOP do 23 de abril de 2012) dispón:

Despois de rematar o prazo para presentar solicitudes, o alcalde ditará, no prazo máximo de tres días naturais, a resolución que declare aprobada a listaxe provisional de admitidos/as e excluídos/as, con indicación, se é o caso, das causas de exclusión.

Por todo isto, a Alcaldía, de conformidade co disposto no artigo 21.1 h da Lei 7/85, do 2 de abril, de bases de réxime local, RESOLVE:

1.     Aprobar a listaxe provisional seguinte de admitidos/as e de excluídos/as.

LISTAXE PROVISIONAL DE ADMITIDOS/AS

LISTAXE DE EXCLUÍDOS/AS

2.     Concederlles aos/ás aspirantes excluídos/as un prazo de tres días naturais, seguintes aos de publicar a antedita resolución, para presentar as reclamacións oportunas ou as emendas de defectos, nos termos da base cuarta das bases que rexen o proceso de selección dun traballador/a social do concello da Baña (BOP do 23 de abril de 2012).

A Baña, 7 de maio de 2012

O alcalde                                                        Dou fe.

    O secretario

José Andrés García Cardeso                           Manuel Martínez Varela

PRIMEIRA. OBXECTO DA CONVOCATORIA, MODALIDADE DE CONTRATACIÓN E DURACIÓN DO CONTRATO

O obxecto desta convocatoria é realizar a contratación laboral temporal dun/ha traballador/a social a través de concurso, de conformidade co disposto na Lei 7/2007, do 12 de abril, do estatuto básico do empregado público, na Lei 7/1985, do 2 de abril, no Real decreto lexislativo 781/1986, do 18 de abril, no Decreto lexislativo 1/2008, do 13 de marzo, polo que se aproba o texto refundido da lei da función pública de Galicia, no Real decreto 2720/1998, do 18 de decembro e nas demais disposicións de pertinente aplicación, con suxeición ás seguintes condicións:

·       Denominación: traballador/a social.

·       Natureza do contrato: laboral interina (substitución por desempeñar cargo público)

·       Modalidade: interinidade considerada no art. 15 c) do Estatuto dos traballadores do 24 de marzo de 1995.

·       Duración: mentres a traballadora social desempeñe o posto político. Retribucións brutas mensuais: 1.572,55 € máis dúas pagas extras por importe de 1.930,73 € por todos os conceptos.

·       Funcións: as propias desta categoría profesional no Concello da Baña e entre outras as seguintes:

-        Informar sobre os dereitos e os recursos sociais que existen para todo tipo de poboación posible usuaria de diversas prestacións dos servizos sociais.

-        Valorar, diagnosticar e no seu caso ditaminar as demandas formuladas polas persoas usuarias, tendo en conta a súa implicación individual, familiar e social, e tamén os recursos que existen para cubrir as necesidades.

-        Recoller toda a información precisa para realizar o asesoramento e a orientación adecuados ás persoas e/ou familias que precisen dunha intervención desde a xestión nos servizos sociais municipais.

-        Realizar a coordinación precisa coa persoa responsable da área co fin de recibir as prescricións adecuadas sobre as diversas demandas de información, asesoramento e orientación relacionada co seu ámbito competencial.

-        Realizar a coordinación precisa con todos aqueles sistemas relacionados cos servizos sociais que operan no ámbito do benestar social, que teñan relación cos casos de intervención social e que se xestionen nos servizos sociais municipais.

-        Realizar a coordinación precisa cos servizos sociais especializados que teñan relación cos casos de intervención social que se xestionen nos servizos sociais municipais.

-        Realizar coas familias os plans de intervención individual e/ou familiar mediante a elaboración dos obxectivos e a utilización dos recursos necesarios para resolver a necesidade formulada.

-        Establecer o itinerario de inserción que responda ás necesidades globais da persoa e/ou familia e realizar o acompañamento neste, mediante o uso dos instrumentos establecidos para iso e a coordinación precisa con aquelas entidades que tamén traballen procesos de inserción social e/ou laboral.

-        Realizar o seguimento dos servizos que se prestan a nivel individual e/ou familiar: valorar as necesidades que se cobren, a modificación que se produce na/s persoa/s usuaria/s, a calidade asistencial do persoal que presta o servizo no caso de ser subcontratado, así como a achega económica, no seu caso.

-        Xestionar a tramitación das prestacións de todo tipo que se realizan no ámbito dos servizos sociais, así como os servizos adscritos á área.

-        Realizar visitas domiciliarias, ben sexan de observación ou de seguimento dos casos en intervención social.

-        Avaliar os procesos de intervención familiar e/ou persoal, tanto a nivel interno como coas propias persoas usuarias.

-        Derivar a demanda cara aos programas, outros centros e outros servizos externos aos servizos sociais municipais cando así sexa preciso.

-        Investigar a problemática social detectada por sectores de poboación e áreas de intervención a través dos datos obtidos no traballo diario ou ben complementado con outros estudos se fose necesario.

-        Colaborar na elaboración de novos proxectos de servizos ou prestacións mediante una participación activa.

-        Detectar e sistematizar os problemas e as demandas que a poboación formula co obxecto de obter un mellor coñecemento da realidade social e realizar unha programación máis axustada e operativa.

-        Fomentar actividades e mobilizar recursos que respondan de forma adecuada ás demandas e necesidades formuladas polas persoas usuarias mediante a elaboración de informes, cartas, xestións telefónicas, etc.

-        Documentar as actividades realizadas cubrindo os soportes documentais e informáticos establecidos.

-        Manter actualizada a información sobre axudas, prestacións e recursos no ámbito dos servizos sociais, arbitradas por diversos organismos.

-        Colaborar naqueles traballos que sexan requiridos dentro e fóra da área no ámbito da súa competencia.

SEGUNDA. CONDICIÓNS DAS PERSOAS ASPIRANTES

Para tomar parte neste proceso selectivo, os/as aspirantes deberán reunir os seguintes requisitos referidos todos e cada un á data en que finalice o prazo para presentar solicitudes:

a)     Ter a nacionalidade española ou ser nacional dun Estado membro da Unión Europea ou nacional dalgún Estado ao cal, en virtude dos tratados internacionais realizados pola Unión Europea e ratificados por España, sexa de aplicación a libre circulación de traballadores/as nos termos dispostos no artigo 57 da Lei 7/2007. Así mesmo poderán participar, en igualdade de condicións que os españois, os estranxeiros con residencia legal en España de conformidade co contido na Lei 4/2000, do 11 de xaneiro, sobre dereitos e liberdades dos estranxeiros en España.

b)     Ter máis de 18 anos e non cumpridos os 65 anos de idade.

c)     Estar en posesión da titulación universitaria de grao medio de Traballador Social.

d)     Non padecer enfermidade ou defecto físico que impida o normal exercicio das tarefas habituais e funcións correspondentes ao posto de traballo ao que se opta.

e)     Non estar condenado/a por delito doloso, nin estar inhabilitado/a para exercer as funcións públicas, nin separado/a do servizo nas administracións públicas por expediente disciplinario ou resolución xudicial firme. Será aplicable, non obstante, o beneficio de rehabilitación, segundo as normas penais e administrativas, que o/a aspirante deberá acreditar mediante o correspondente documento oficial.

f)      Non incorrer en causa de incompatibilidade ou de incapacidade, conforme á normativa vixente.

TERCEIRA. PRESENTACIÓN DE SOLICITUDES

1. As persoas interesadas presentarán unha solicitude dirixida ao alcalde na que farán constar que reúnen todos e cada un dos requisitos establecidos na base segunda desta convocatoria, referidos sempre ao día en que remate o prazo para presentar solicitudes.

As citadas solicitudes presentaranse no Rexistro Xeral do Concello en horas de oficina durante o prazo de dez días naturais, que se iniciará ao día seguinte de publicar o anuncio destas bases no Boletín Oficial da Provincia da Coruña. Tamén se publicará no taboleiro de edictos da casa do concello.

Asemade poderanse presentar na forma que determina o artigo 38.4 da Lei 30/1992, de réxime xurídico das administración públicas e do procedemento administrativo común; neste caso, os/as concursantes deberán comunicalo mediante telegrama ou telefax durante o mesmo prazo que o de presentar solicitudes; o prazo rematará ás 15:00 horas do último día para presentar as solicitudes. Se, conforme a este precepto se presentan a través das oficinas de correos, deberá aparecer o selo na propia solicitude. Doutro modo, a data de anotación no Rexistro Xeral será a que se considere para todos os efectos.

2. Necesariamente xunto coa solicitude para tomar parte neste proceso selectivo os/as aspirantes deberán achegar, inescusablemente, a seguinte documentación:

-        O xustificante que acredite que ingresou na Tesourería Municipal a cantidade de dez euros (10,00 €) en concepto de dereitos de exame. Este importe poderá facerse efectivo directamente nas arcas municipais ou mediante xiro postal ou telegráfico así como mediante ingreso na conta municipal (fará constar os datos persoais do/a aspirante e a praza á que opta) do Concello da Baña en Novagalicia Banco. A ausencia do aboamento dos dereitos de exame, dentro do prazo para presentar as solicitudes, determinará a exclusión do/a aspirante e non poderá ser obxecto de corrección.

-        A fotocopia do DNI.

-        A fotocopia da titulación esixida na base 2.ª, letra c) desta convocatoria.

-        A fotocopia do permiso de conducir.

-        O orixinal ou a fotocopia compulsada dos méritos obxecto de valoración. Deberá achegarse cun índice no que se enumerarán os méritos relativos á fase de formación que indique o nome da actividade formativa e o número de horas; así como no relativo á experiencia, indicar o posto de traballo e as datas de inicio e de finalización do desempeño deste. A presentación deste índice non exime de presentar os documentos acreditativos correspondentes.

-        No seu caso, o certificado de perfeccionamento na lingua galega ou CELGA 4, expedido polo organismo oficial para o efecto, ou o título acreditativo expedido pola entidade académica para tal fin.

-        A memoria dunha extensión non superior a cinco folios escrita con letra a tamaño 12 na que se analizarán as función propias da praza mencionadas na base primeira desta convocatoria.

Para que teñan validez neste proceso selectivo, os documentos que se presenten deberán estar expedidos nalgunha das linguas oficiais na Comunidade Autónoma de Galicia (galego ou castelán). No caso de se tratar de documentos expedidos noutras comunidades autónomas do Estado español ou doutros países, para que teñan validez deberán estar redactados na lingua castelá ou traducidos polo organismo competente da respectiva comunidade, ou debidamente validados e apostilados pola correspondente oficina diplomática española ou organismo competente.

3. Ao presentar a solicitude para participar no proceso selectivo, entenderase que os/as interesados/as aceptan e acatan todas e cada unha das bases desta convocatoria.

CUARTA. ADMISIÓN DE ASPIRANTES

1. Despois de rematar o prazo para presentar solicitudes, o alcalde ditará, no prazo máximo de tres días naturais, a resolución que declare aprobada a listaxe provisional de admitidos/as e excluídos/as, con indicación, se é o caso, das causas de exclusión. Esta resolución publicarase no taboleiro de edictos e na páxina web do Concello e será determinante para os efectos de posibles impugnacións e recursos, de conformidade co formulado na lei.

Os/as aspirantes excluídos/as, dispoñerán dun prazo de tres días naturais, seguintes aos de publicar a antedita resolución, para presentar as reclamacións oportunas ou as emendas de defectos, nos termos do art. 71 da Lei 30/92 do 26 de novembro.

2. Posteriormente, o alcalde declarará aprobada a listaxe definitiva de admitidos/as e excluídos/as, que se publicará no taboleiro de edictos e na páxina web do Concello. Na mesma resolución o alcalde determinará o lugar, a data e a hora da reunión do Tribunal para realizar a valoración dos méritos, así como a composición do órgano de selección.

3. De non existir aspirantes excluídos/as, o alcalde elevará a definitiva a listaxe provisional na mesma resolución de aprobación e indicará o lugar, a data e a hora da reunión do Tribunal para realizar a valoración dos méritos, así como a composición do órgano de selección.

BOLETÍN OFICIAL DA PROVINCIA DA

QUINTA. TRIBUNAL CUALIFICADOR

O Tribunal cualificador será designado por decreto da Alcaldía no momento de aprobar as listaxes definitivas de admitidos/as e excluídos/as, e a súa formación seguirá os criterios do artigo 60 da Lei 7/2007 do estatuto básico do empregado público. Estará formado do seguinte xeito:

• Presidente/a: un/unha traballador/a da Administración pública, sexa funcionario/a ou persoal laboral fixo.

• Vogais: tres traballadores/as da Administración pública, sexan laborais fixos ou funcionarios/as.

• Secretario/a: o/a da Corporación ou persoa en quen delegue, que actuará con voz e voto.

Todos/as os/as compoñentes deberán contar con titulación académica ou especialización profesional igual ou superior á esixida para o acceso ás prazas.

O Tribunal non poderá constituírse nin actuar sen a asistencia de máis da metade dos membros (titulares ou suplentes, indistintamente). En todo caso, será precisa a asistencia do presidente, un vogal e do secretario.

O Tribunal poderá dispoñer que se incorporen asesores/as especialistas para as probas que considere pertinentes, que se limitarán a exercer as súas especialidades técnicas con base exclusivamente nas cales colaborarán co órgano de selección.

O Tribunal queda facultado para resolver as dúbidas que se presenten e tomar os acordos necesarios para a boa orde do proceso selectivo en todo o non expresado nestas bases.

Os membros dos tribunais deberán absterse de formar parte destes cando concorran as circunstancias contidas no artigo 28 da Lei 30/1992 do 26 de novembro, e notificarllo á autoridade convocante. Asemade, os/as aspirantes poderán recusalos de acordo co artigo 29 da mencionada lei.

Para os efectos de que os membros concorrentes ás sesións dos tribunais perciban asistencias, estes estarán clasificados nas categorías que establece o número 1 do artigo 30 do Decreto 462/2002, do 24 de maio, sobre indemnizacións por razón do servizo.

SEXTA. CONTIDO DO PROCESO SELECTIVO, FORMA DE DESENVOLVEMENTO E SISTEMA DE CUALIFICACIÓN

1. O sistema de provisión será o concurso dadas as características da praza que fan preciso contar cunha persoa que acredite non só coñecementos sobre a materia social nos seus diversos ámbitos, o que se manifesta coa formación, senón tamén a experiencia na prestación de servizos sociais.

2. Unha vez comezadas as probas selectivas, será suficiente con expoñer os resultados no taboleiro de edictos do Concello. Así mesmo, e sempre que sexa posible, poderá publicarse, a título informativo e complementario, na web municipal.

Despois de que o Tribunal conclúa a valoración do concurso, esta publicarase no taboleiro de edictos do Concello, indicando a puntuación obtida. Os/as aspirantes que non obteñan a puntuación mínima terán a consideración de non aptos/as.

Se durante o desenvolvemento do proceso selectivo o Tribunal chegase a coñecer que algún/ha dos/as aspirantes carece de calquera dos requisitos esixidos na convocatoria, será excluído/a, tras darlle audiencia á persoa interesada, e comunicaráselle no mesmo día á autoridade que convocase o proceso selectivo.

LETÍN OFICIAL DA PROVINCIA DA

3. Proba de avaliación do coñecemento da lingua galega, só para aqueles/as aspirantes que non puidesen acreditalo documentalmente

Esta proba estará dirixida a que o Tribunal comprobe, que os/as aspirantes comprenden, falan e escriben correctamente o galego. Será de carácter obrigatorio e eliminatorio e cualificarase como apto/non apto.

Consistirá na tradución directa e/ou inversa dun ou varios textos, en castelán ou galego, facilitados polo Tribunal, nun tempo máximo de 30 minutos.

Non obstante, as persoas aspirantes que acrediten coñecer a lingua galega, con carácter previo e de maneira normativamente establecida, quedarán exentas de realizar a dita proba e daráselles por superada coa cualificación de apto/a.

4. A cualificación definitiva do proceso selectivo será o resultado da suma das puntuacións outorgadas polo Tribunal na fase de concurso.

Logo de establecer a puntuación final de cada aspirante, elaborarase unha listaxe destes/as que se basea na súa puntuación e por orde decrecente e resultará aprobado/a o/a que, tendo en conta o número de prazas, obtivese a nota máis alta.

No suposto de empate nas puntuacións de dous ou máis aspirantes, este resolverase realizando unha entrevista persoal, ao abeiro do disposto no art. 61.5 da Lei 7/2007 do 12 de abril. O órgano de selección someterá os/as aspirantes a unha entrevista para determinar o seu nivel de coñecemento sobre as características propias do concello, as funcións propias da praza e na que poderá formular as preguntas que considere oportunas sobre a memoria presentada co fin de valorar a formación xeral e outros méritos que considere oportunos (aptitudes, actitudes, habilidades, coñecementos, etc do/a aspirante en relación co posto de traballo que hai que cubrir). Cualificarase de cero a cinco puntos.

No suposto de que o/a seleccionado/a non presente a documentación requirida ou ben renuncie ao posto obtido, a proposta de contratación efectuaráselle ao/á seguinte da listaxe de puntuación obtida.

6. A publicidade dos distintos actos derivados deste proceso selectivo, así como as comunicacións a que dese lugar, realizaranse mediante publicación no taboleiro de edictos deste concello.

Coa finalidade de facilitar o acceso á información dos/as aspirantes, e sempre con carácter complementario, tanto as convocatorias e as bases como os sucesivos anuncios relativos ao proceso selectivo, poderán publicarse na web municipal, despois de publicarse no taboleiro de edictos do Concello. Estas publicacións na web non terán validez para os efectos de computar os prazos e a información de carácter persoal contida nestas será posible baixo a consideración de que os/as aspirantes, ao asinaren a solicitude para participar no proceso selectivo, se someten e aceptan todas as cláusulas establecidas na presente convocatoria e as bases reguladoras. Os restantes usos dos datos persoais contados nas solicitudes serán de carácter interno e de uso restrinxido.

BOLETÍN OFICIAL DA PROVINCIA DA

7. De conformidade co disposto na Lei orgánica 15/199, do 13 de decembro, de protección de datos de carácter persoal, os datos persoais serán incorporados a un ficheiro de titularidade do Concello da Baña e utilizaranse exclusivamente en relación co desenvolvemento do proceso selectivo. Os/As aspirantes poderán exercitar os seus dereitos de acceso, rectificación ou cancelación enviando unha solicitude por escrito, xunto coa fotocopia do DNI, dirixida ao Concello da Baña.

SÉTIMA. PROPOSTA DE APROBADOS/AS

1. Logo de concluír a cualificación final do proceso selectivo, o Tribunal publicará no citado taboleiro de edictos o nome dos/as aspirantes aprobados/as por orde da puntuación total final, con especificación desta. Así mesmo, o Tribunal enviaralle esta relación, coa acta da sesión, ao alcalde para formalizar o contrato correspondente a favor do/a aspirante que obtivese a puntuación total máis alta.

O Tribunal cualificador non poderá facer proposta de contratación a favor dun número de aspirantes superior ao das prazas convocadas. Calquera proposta que inclúa máis nomes que prazas convocadas ou contradiga o anteriormente establecido, será nula de pleno dereito.

2. Os/as aspirantes que non fosen declarados non aptos/as na fase de concurso formarán unha listaxe para os efectos de poder, se así se considera, ser contratados/as eventualmente para cubrir provisionalmente as vacantes que se produzan ou as ausencias por aproveitamento de licenzas regulamentarias, necesidades do servizo, etc., ou por se fose necesario cubrir algunha baixa ou renuncia do/a seleccionado/a.

OITAVA. PRESENTACIÓN DE DOCUMENTOS

Cada unha/un das/os aspirantes propostos/as presentarán na Secretaría Xeral do Concello, no prazo de tres días naturais (que hai que contar a partir de que se publique o resultado da selección), os documentos que acrediten que cumpren todos e cada un dos requisitos esixidos na base 2.ª desta convocatoria xunto coa tarxeta da Seguridade Social, no caso de que non os presentasen xunto coa solicitude para tomar parte neste proceso selectivo.

Se dentro do prazo indicado, salvo casos de forza maior, o/a aspirante proposto/a non presentase a súa documentación ou non acreditase reunir os requisitos esixidos, non se poderá contratar, e quedarán anuladas todas as súas actuacións, sen prexuízo das responsabilizades en que puidese incorrer por falsidade na solicitude ou na documentación presentada para tomar parte neste proceso selectivo. Nese suposto nomearase o seguinte no proceso selectivo.

NOVENA. FORMALIZACIÓN DO CONTRATO

Tras presentar a documentación á que se refire o apartado anterior, o órgano competente da Corporación iniciará a contratación a favor do/a aspirante proposto/a polo Tribunal cualificador, e será nula a contratación de quen estea incurso en causas de incapacidade específica conforme á normativa vixente.

A formalización do contrato terá lugar dentro do prazo de cinco días naturais, que hai que contar dende a data de notificación do acordo de contratación.

Previamente a asinar o contrato, a/o aspirante contratado/a deberá subscribir a declaración á que se refire o artigo 13.1 do Real decreto 598/1985, do 30 de abril, sobre incompatibilidades.

Mentres non se formalice o respectivo contrato e non se incorpore ao posto de traballo, a/o aspirante non terá dereito a percepción económica de ningunha clase.

A persoa contratada estará obrigada a prestar a súa xornada de traballo na medida e na forma requiridas polo interese do servizo, de acordo coa lexislación aplicable, e quedará sometida a un período de proba, co alcance previsto no artigo 14 do Estatuto dos traballadores, e estará suxeita á lexislación laboral pertinente.

BOLETÍN OFICIAL DA PROVINCIA DA

DÉCIMA. CONCURSO

Formación:

Cursos homologados relacionados coas función propias da praza á que se aspira impartidos pola Administración pública, universidades, centros públicos ou concertados, organismos oficiais e demais formación homologada, durante os sete últimos anos, referidos á data na que remate o prazo de presentar as solicitudes.

Non se comprenderá na denominación de curso os seminarios, xornadas, simposios ou equivalentes.

-        Cursos de 20 a 50 horas--------------------------------------0,5 puntos/curso

-        Cursos de 51 a 100 horas------------------------------------0,75 puntos/curso

-        Cursos de 101 a 300 horas-----------------------------------1,00 puntos/curso

-        Cursos de 301 a 600 horas-----------------------------------1,50 puntos/curso

-        Cursos de 601 horas a 900 horas----------------------------2,25 puntos/curso

-        Cursos de máis de 900 horas---------------------------------3 puntos/curso

-        Título de iniciación en lingua galega ou equivalente---------------------0,25 puntos

-        Título de perfeccionamento en lingua galega ou equivalente---------0,50 puntos (no caso de posuír os títulos de iniciación e perfeccionamento, só se valorará este último)

Con carácter xeral, os méritos relativos a formación acreditaranse mediante o certificado expedido polo organismo ou pola entidade organizadora dos cursos.

Experencia profesional: só se valorará aquela relativa aos últimos sete anos acreditada mediante o informe de vida laboral e o certificado de servizos prestados emitido polo funcionario competente da entidade onde teña prestado os servizos. A vida laboral expedida pola Tesourería Xeral de Seguridade Social, por si soa non será título suficiente para acreditar este apartado.

-        Por desempeñar un posto de traballo de traballador/a social nunha Administración pública -----------------------------------------------0,20 puntos/mes

-        Por desempeñar un posto de traballo de traballador/a social nunha empresa privada---------------------------------------------------------0,09 puntos/mes

-        Por desempeñar un posto de traballo como técnico relacionado cos servizos sociais nunha Administración pública--------------0,08 puntos/mes

-        Por desempeñar un posto de traballo como técnico relacionado cos servizos sociais nunha empresa privada----------------------0,04 puntos/mes

Os contratos/nomeamentos prestados en réxime de xornada parcial puntuaranse segundo a súa duración proporcionalmente á xornada realizada polos traballadores.

UNDÉCIMA. NORMAS FINAIS

Primeira. Para todo o non previsto nestas bases, ou naquilo que as contradigan, será de aplicación supletorio o establecido na Lei reguladora das bases de réxime local, na Lei de Administración local de Galicia, no Real decreto 896/1991, no Real decreto 364/1995 e na demais lexislación vixente que sexa de aplicación.

Segunda. Agás a convocatoria, que se publicará no BOP da Coruña, os sucesivos actos e comunicacións que se deriven de realizar este proceso selectivo publicaranse, exclusivamente, a través do taboleiro de anuncios da casa do concello. A publicación na páxina web do concello da Baña terá carácter potestativo.

Terceira.Todos os actos administrativos derivados desta convocatoria, así como da actuación do Tribunal, poderán ser impugnados polas persoas interesadas nos casos e na forma establecida pola Lei de procedemento administrativo e polas normas vixentes concordantes. A presentación de reclamacións non suspenderá a continuación do proceso selectivo, salvo que así o decida o órgano convocante deste.

Cuarta.Contra as presentes bases e contra a resolución que as aproba, que pon fin á vía administrativa, poderase interpoñer un recurso contencioso-administrativo ante o Xulgado Contencioso-Administrativo da Coruña, no prazo de dous meses (que hai que contar desde o día seguinte ao de publicar a convocatoria).

Con carácter potestativo e previo, poderá interpor un recurso de reposición ante o mesmo órgano que adoptou o acordo de aprobación, no prazo dun mes (que hai que contar desde o día seguinte ao de publicar a convocatoria). Neste caso non se poderá interpoñer o recurso contencioso-administrativo ata que se resolva expresamente ou se produza a desestimación presunta do recurso de reposición interposto. Neste último suposto, o prazo para interpoñer o recurso contencioso-administrativo será de seis meses, que hai que contar desde o día seguinte a aquel no que se produza a desestimación presunta do recurso de reposición interposto.

Todo iso sen prexuízo do que poida exercitar calquera outro que considere procedente.

A Baña, 18 de abril de 2012

O alcalde

Jose Andrés García Cardeso